Асистивната технологија овозможува и промовира инклузија и рамноправно учество на лицата со попреченост во сите облици на општеството. Примарната цел на асистивните технологија е одржување или подобрување на функционирањето и независноста на поединецот, со што се промовира и нивната благосостојба. Асистивната технологија им овозможуваат на луѓето да живеат здрав, продуктивен, независен и достоинствен живот и да учествуваат во образованието, пазарот на трудот и граѓанскиот живот како сите други граѓани.

Здружението за асистивна технологија „ Отворетеги прозорците„ е фокусирана во промовирањето на асистивната технологија и дигиталната инклузија во полето на образованието и потешкотиите во учењето кај деца и млади лица. Асистивната технологија во нашето здружение им помага на лицата со различни попреченности – од когнитивни проблеми до физичко оштетување a учениците со тешкотии во учењето честопати доживуваат поголем успех кога им е дозволено да ги користат своите способности (јаки страни) за да работат околу нивната попреченост преку асистивната технологија.

Асистивната технологија може да ја зголеми самоувереноста на детето како и чувството за независност. Децата што се одат на училиште, честопати се премногу зависни од родители, браќа и сестри, пријатели и наставници за помош со нивните задачи. Со употреба на асистивната технологија е докажано дека  децата можат да доживеат многу поголем успех со самостојно работење.

Има широк спектар на алатки на асистивна технологија достапни за да им помогнат на студентите кои се борат со пишувањето. Некои од овие алатки им помагаат на студентите да ја заобиколат вистинската физичка задача на пишување, додека други олеснуваат правилно правопис, интерпункција, граматика, употреба на зборови и организација.